出发地:郑州

当季主题

最新推荐

最新订单

您现在所在的位置是:首页>>资讯>>旅游攻略>>泰国芭堤雅四方水上市场的网红玩法
旅游攻略

泰国芭堤雅四方水上市场的网红玩法

作者:郑州旅行社来源:http://www.cicitour.com 更新时间:2018/8/22 20:52:29浏览次数:345次
经典泰菜任你食
巨大的一个水上市场,行下玩下就一定会肚饿啦!水上市场入面为大家提供泰式自助餐,十分之抵食,重点系冇限制你食几耐!如果带埋小朋友入去食仲有优惠添呀!所以一家大细坐低慢慢叹住嚟食都绝对冇问题!

自助餐方面的泰菜选择好多,云集唔同地区的美味特色菜‼比如有南部的印度咖哩,黄咖哩,香辣牛肉,北部的咖喱炸面同埋虾汤,东部的青木瓜沙律同蒸糯米......当然唔少得有烤鸡肉,辣咖哩猪肉、泰式金边粉等等,甜品方面又点少得芒果糯米饭呢!仲有著住泰国传统服饰的侍应为大家服务,而自助餐每日的供应时间就系由早上11点到夜晚8点,大家记得留意啦

每日精彩SHOW睇不停
芭堤雅呢个地方相信大家都唔陌生,唔知芭堤雅四方水上市场 (Pattaya Floating Market)大家又熟唔熟悉呢!呢个水上市场系建于一个人工湖上面,相比起其他水上市场,佢面积真系大好多,而且冇咁单一添!
当中有过百个档口,有唔同地方的产物卖,而且品种都比其他水上市场多好几倍!里面就分成4个部分,分别系中部、东北部、北部、南部,将全泰各地的特色集于一身!无论系民间特色手工艺品、时尚品牌定系泰国传统手工艺品,都可以喺呢到搵到!游客仲可以坐下小艇围绕市场一周,欣赏一下河道两旁的风景,体验一下风土人情!
为左俾游客睇到水上市场的泰国文化多洋性,喺唔同的区域入面都会有唔同的舞蹈、游戏同埋竞赛节目,由朝早10点开始,每一小时左右就会有新野睇,真系丰富又精彩㗎!例如有水上泰国长鼓舞、泰国现代乐器音乐表演,而泰拳我的或者就睇得多,水上拳击又睇过未?水花四贱又紧张刺激的水上拳击表场分为三个时段,每个时段半个钟左右!


玩尽「海陆空」!
介绍左芭堤雅四方水上市场有羊Show好睇,今日就介绍呢个水上市场有羊游乐活动啦!
首先就是非常特别的水陆两栖船!呢种称为Lam Choon的船系一款能够喺水上及六路上行驶的船,由第二次世界大战期间通过Chaopraya River,由曼谷开到Ayudya运输货物,历史好悠久㗎喇!
今次喺水上市场就可以一试喇!水上市场有两个码头,带著游客喺水道同埋六路穿梭,期间仲会停留喺泰国Folkway村~ 泰国Folkway村系一个展现真实泰国本地生活的一个展区,俾大家更加认识泰国文化,游客仲可以步行到绿色区域,入面仲有丝绸编织、丝线穿孔、古代玉米烹饪等等的示范!
除左呢洋,水上市场入面仲有滑索冒险添呀‼岩哂钟意兴奋又刺激活动的朋友玩喇! 滑索长度一共300米,差唔多4层楼的高度!喺水面上面滑行,只需要100铢就可以体验到啦,想玩的朋友记得喺正门买飞啦!

叹尽泰式按摩!
泰式按摩一直都好受国际欢迎,所以嚟到咁大的水上市场,又点会冇泰式按摩俾大家叹下呢!水上市场的「泰国民俗村」有提供正宗泰式按摩的示范同埋服务!当中佢的会用到由好多泰国草药提练以成的黄油做按摩,可以减低肌肉酸痛的问题,成效仲十分唔错㗎!有兴趣的游客都可以去试试呢个按摩,而且有羊关于泰式按摩的问题或者有羊位置想特别按摩一下,都可以随时向佢的提出,按摩师都会好乐意解答你的问题!

其实芭堤雅四方水上市场仲有好多有趣活动同大量美食等大家去发掘㗎!嚟紧去芭堤雅又多一个地方选择啦~

相关文章